جريدة الوطن العربي سياسية – اجتماعية – اقتصادية – فنية- رياضية- مستقلة
تقدم الدكتور سمير صبري .. المحامي بالنقض ببلاغ للنائب العام ونيابة أمن الدولة العليا ضد المدعو / على عبد العزيز ـ مدرس مساعد بكلية التجارة جامعة الأزهر لتطاوله على القوات المسلحة والأجهزة السيادية
وذلك على سند من القول : حيث فوجئ المبلغ بنشر المبلغ ضده على صفحته الشخصية بموقع التواصل الاجتماعي (فيس بوك) عبر شبكة المعلومات الدولية (الانترنت) منشورات تحتوي على عبارات تمثل تطاول على القوات المسلحة وفخامة الرئيس / عبد الفتاح السيسي والتحريض ضده ، فقد جاء بالمنشورات سالفة الذكر على سبيل المثال وليس الحصر الآتي : (( من 63 سنة والعسكر يبررون سرقة الشعب المصري وإهدار ثرواته وانتهاك حقوقه وآدميته بحجج وهمية لا يقبلها طفل يحبو وأعداء وهميين صنعتهم خيالاتهم وبعدها خربوا مصر وأفقروها وجعلوها فريسة للأعداء الحقيقيين ..
يقولون أنها دولة وليدة .. وليدة دي تبقى خالتك )) ، (( السيسي ونظامه وعناصر الامن الوطني بيقتلوكم وبيسرقوكم وبيجوعكم وهم ارصدتهم واراضيهم وحساباتهم جوه وبره بتزيد كل يوم.. حقكم عندهم اوعوا تسيبوه.. حقكم في الدعم اوعوا تسيبوه.. طول ما انتوا ساكتين هيفضلوا ينهبوكم.. خدوا حقكم من كل كلب بيسرقكم )) ، (( البواب اللي جبناه يحرس العمارة النهارده ثروته بقت 32 مليار دولار من دم سكان العمارة وفاتح بيهم حساب متشفر في بنك خليجي وكل ما حد من السكان يعترض علي الاتاوات اللي بيفرضها يقولهم انتوا اللي بتاكلوا كتير وتخان وهفرض اتاوات جديدة عليكم عشان تخسوا)) ، ((السادات سنة 1980 عدل الدستور عشان يحكم لاكتر من فترتين.. ايامها 11 مليون قالوا نعم و 60 الف قالوا لا.. وشهدت مصر اضطرابات علي كافة المستويات..
وفي 6 اكتوبر 1981 تم اغتياله وهو بين جنوده.. نفس السيناريو هو الاقرب بعد تعديلات 2019.. التاريخ بيعيد نفسه )) ، ((اشتري سلاح بعشرات المليارات من الدولارات عشان شرعية دولية وعمل تفريعة ب8 مليار دولار عشان اللقطة المحلية وحمل البلد فوق طاقتها قروض اكتر من 100 مليار دولار اغلبهم بيتحول لحساباته وحسابات رجالته وامم كل مؤسسات البلد التشريعية والقضائية والتنفيذية والامنية والعسكرية لحسابه الخاص وعمل مؤتمرات من دم الشعب بتتكلف مليارات عشان الشو وفرط في الارض والنيل عشان مكاسبه الشخصية وبقاءه علي الكرسي وبيعمل استفتاء متكلف مئات الملايين عشان يقعد علي الكرسي ل 2030 باستغلاله فقر الناس اللي جوعهم ، لا وطني بجد.. وقلبك علي البلد.. خربتها منك لله.. )) ، (( مصر عايشة اضطرابات خطيرة من اواخر 2017 من ساعة محاولة اغتيال صدقي صبحي وزير الدفاع في مطار العريش وقبلها اقالة محمود حجازي رئيس اركان الجيش وقبل وبعد محاولة اغتيال للسيسي نفسه والسبب رفض قيادات في الجيش للتعديلات الدستورية.. خليكوا فاكرين ان السيسي بتعديلاته دي بياكد علي اغلاقه كل الطرق السلمية للتغيير وانقاذ مصر.. خليكوا فاكرين انه باللي بيعمله ده بيساعد علي زيادة الارهاب وبيحفز قيادات الجيش ضده اكتر.. افتكروا اسباب اغتيال السادات واللي بقت موجودة دلوقتي بزيادة.. مسارات السيسي الخارجية اللي بتهدد مصالح دول في الشرق الاوسط والداخلية اللي بتخلي مصر عزبة مملوكة ليه ولاجهزته الامنية بتعجل من السيناريو السوري مر وقت كتير او قليل كل يوم بنتاكد من ان السيناريو السوري هو الاقرب )) ، (( السيسي عشان يحكم السنين اللي فاتت اتنازل عن جزرتين ونيل وحقلين غاز و2 مليون متر مربع شرق بورسعيد.. تفتكروا عشان يحكم لسنة 2030 هيتنازل عن ايه ؟ )) ، (( سبحان من جعلكم آية تخشي الشعوب الحرة من تكرارها.. سبحان من جعلكم رمزا لسرقة ثورات الشعوب وخيراتهم وأحلامهم.. سبحان من جعل كل الشعوب الحرة تكرهكم وتكره امثالكم)) ، ((الجزائر… تم ، السودان … تم ، مصر… Loading )) ، (( إجراءات صندوق النقد الدولي المسماة بالكذب الإصلاح الاقتصادي سبب من الأسباب الرئيسية اللي هتقضي علي السيسي ونظامه وما أدراكم بالقضاء علي السيسي بدون رحيله بشكل سلمي.. بمعني أوضح أن الإجراءات دي مش بس سبب في إفقار المصريين وتجويعهم وإذلالهم وزيادة معدل الجريمة بينهم تحت حكم نظام فاسد دي كمان من الأسباب الرئيسية الممهدة للانهيار الكامل في مصر #الحرب.)) ،
وأضاف صبري : أن ما نشره المبلغ ضده على صفحته الشخصية بموقع التواصل الاجتماعي (فيس بوك) عبر شبكة المعلومات الدولية (الانترنت) يشكل أركان جرائم التطاول على القوات المسلحة وإهانة رئيس الجمهورية والتحريض ضده وطالب صبري : بالتحقيق فيما ورد ببلاغه وإحالة المبلغ ضده للمحاكمة الجنائية العاجلة ، وقدم صبري حافظة مستندات مؤيدة لبلاغه .
