جريدة الوطن العربي سياسية – اجتماعية – اقتصادية – فنية- رياضية- مستقلة
لا يزال المدعو أحمد المغربل الذي قام بالنصب على المواطنين ومدان في قضايا جنائية محل جدل لكن استطعنا ان نصل لتاريخ حياته بدايه حياته كان شغال سواق على عربيه ميكروباص ولما اترقى فى الشغل ربنا كرمه بشغلانه فى مصنع صنادل وبصراحه كان ممتاز جدا فى شغله يعنى تلبس من وراء ايديه احلى صندل فى العالم
وبعدين ربنا كرمه من وسع واشتغل سائق فى هيئة الإسعاف المصريه وهنا بدأت قصه الإعلامى احمد المغربل بن عزيزه وثروته المهوله اللى كانت بدايتها من نقل الاثار لبعض التجار من القاهرة الى الاسكندريه ولما ذاق طعم الفلوس الحرام بدأ يدور على مصادر اموال اخرى وهنا بدأت قصه النصب على الشركات زى رايه وبى تك وسامسونج وكان بيأخد صور بطاقات زمايله فى هيئة الاسعاف بحجة انه هيجيبلهم خطوط من شركات الاتصالات وكان بيستغل الصور فى انه يجيب بها اجهزة كهربائية من الشركات السابقه باسم الناس عن طريق التقسيط ومابيدفع الاقساط وبقيت الشركات دى ترفع دعاوى على اصحاب البطاقات ومن هنا اتعرفت قصه النصب لاحمد المغربل ده غير انه لسه مورط احد سائقى هيئة الاسعاف بمبلغ ٩مليون و٢٠٠ الف جنيه علشان هو اللى كان بيمضى على استمارات استلام البضاعه منها الحقيقى ومنها المزور ولما اصحاب البطاقات ابتدوا يروحوله المكتب كان بيهدهم بالبلطجية اللى كان مقعدهم على القهوة ومشغلهم معاه برواتب ثابته واما قالوله احنا هنشتكيك فى الرقابه الاداريه كان بيهدهم انهم هيبقوا شركاء معاه فى هذه الجرائم وللعمل لم تكن هذه اول عمليات النصب لاحمد المغربل
ولكنه بدأها منذ عام ٢٠٠٠ عندما نصب على مواطن من محافظة سوهاج ولما العمده بعتله فى البيت كان هارب ومكانش موجود فى البيت ساعتها غير والدته والجاموسه وساعتها امه راحت بالجاموسه للعمده وباعتها علشان تسدد بها ثمن قيمه النصب لابنها ومن اعمال النصب هذه اتكونت ثروة احمد المغربل وبدأ يدور على سلطه تحمل الماله ده وطبعا مالقيش اجمل من سلطه الاعلام وراح لبعض القنوات اللى بتاجر الوقت واشترى ساعات على شاشات هذه القنوات وبدا بالظهور على انه الاعلامى احمد المغربل واللى اتمنع وقت ما الحقائق دى كلها اتكشفت وانه مؤهله دبلوم صنايع وانه مؤهلات الاعلامى لازم تكون مؤهل عالى مناسب
