B دمــــــــــــــــــٕـــع القصـــــــــــــــــــيد..  لمرشح الفلسطيني - جريدة الوطن العربي
عاجل
الرئيسية » فن وثقافة » دمــــــــــــــــــٕـــع القصـــــــــــــــــــيد..  لمرشح الفلسطيني
https://cairoict.com/trade-visitor-registration/

دمــــــــــــــــــٕـــع القصـــــــــــــــــــيد..  لمرشح الفلسطيني

نشرت بواسطة: admin في فن وثقافة 25 يناير، 2021 0 597 زيارة

انتخابات انتخابات ووعود وشعارات
كلام معسول الكل اقول مرشح خطابات
الكل عاوز الكل اصير الانتخابات والتغير
بالاخر عاوز تقرير وعبي البنك بدولارات
المرشحين بزورونا من بعد ما نسونا
في الاخر تذكرونا بالوجه الحسن بالذات
الك بيعرض مواهبه ومافي حدى عاجبه
مجبور بهالزياره حتى يضمن عالاصوات

انتخابات انتخابات انتخابات
شرفونا بالزيارات
مرشح بيجي ومرشح بروح
كله عايز اصوات

بنسمع بالتغييرات وهذا من الزمن الي فات
وزير فوق الثمنين وترقيه لرفع الدولارات
منيلك فيتامين يامسكين وعمرك بعده في الثلاثين
لما تحب تزور الوزاره بدها معجزه وشطاره
مرشحين بقرافات وبصحافه وكاميرات
عمره ما عرف لبلاد وهاي كلها دعايات
مرشح الكل بيحترمه العسل بنقط من تمه
الشعب عمره ماهمه غير جمع الاصوات

انتخابات انتخابات انتخابات
شرفونا بالزيارات
مرشح بيجي ومرشح بروح
كله عايز اصوات

مرشحين ومرشحين الكل بوزع كراتين
بحسبوا الناس مجانين هذا شعب الجبارين
مرشح بحكي وبقول وبالاخر مش مسؤل
صار عنا فضول كيف نضمن الحق بالذات
صحافه وفضائيات مقابلات وتلفزيونات
الاسرى صارت دعايه بتستغلوهابالانتخابات
حتى حق اللجئين والعوده والمبعدين
الكل بيحكي فيها ع كلامهم ما بيختلف اثنين

انتخابات انتخابات انتخابات
شرفونا بالزيارات
مرشح بيجي ومرشح بروح
كله عايز اصوات

الكرسي ثمنه كبير من وزير لوزير
لو الميه تجلد بتموز هذا عمره ما بصير
هلكونا بثمن التصريح العامل من وجعه بصيح
حرام ظلم العمال وهالقرار بده تصحيح
وينك يا عصر الحجاج ترجع وتلملم هالجاج
حتى تصريح الحجاج كله بمشي ع التدفتيش
احنا بعصر الشعارات والعالم بعصر الطيارات
الوزير بوظف عيلته وما في داعي للشهادات

انتخابات انتخابات انتخابات
شرفونا بالزيارات
مرشح بيجي ومرشح بروح
كله عايز اصوات

الكل ملزق في الكرس الوظيفه بدها دفشي
حتى لو كنت دفنشي الواسطه ما بتعرف فنان
بدل الدوله صرنا بثنتين احناشعب الجبارين
عملو منا شحادين وعلى المنابر ساريين
لا تدرس وتغلب حالك الوظيفه ما هي الك
ناس بتاخذها ع الجاهز لو معه شهادة تموين
قربنا نهاجر ونفل لحتى نرتاح من الذل
العيشه صعبه ع الكل غير اصحاب الملاين

انتخابات انتخابات انتخابات
شرفونا بالزيارات
مرشح بيجي ومرشح بروح
كله عايز اصوات

كلمات والحان شاعر
الاحساس والحب
يوسف نواجعه
فلسطين
يطا جنوب
دولة الكونتينر

عن admin

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

يوسف نواجعة.. يكتب /خليجيات…شيلة راقيه الحرف

يا راقيه الحرف حرفك شاهد ومشهودفي ربوع صبيه وجده عاليات ن مقامهاحرفك حرف نار شرابه ...