جريدة الوطن العربي سياسية – اجتماعية – اقتصادية – فنية- رياضية- مستقلة
بدل الكلمه صاروا كلمات في قتلك رائد بنات
لا ما بنركع لا ما بنسكت لو دفنونا بزنزانات
القلم بيكتب كلمات والكلمه بتفجر دبابات
صوت الحر ثورات والحرب حروف وكلمات
برويه من دمي قنوات
فات العمر يا بني فات
🎻 ♪ 🎻 ♪ 🎶 ♪ 🎻 ♪ 🎻 ♪ 🎻
خبر وصوره بمحطات ع التواصل والفضائيات
حرية القلم بالذات ضد جيوش ومؤامرات
شبعنا كلام ومؤتمرات والكل بخزن دولارات
ضاعت الأرض فتات صارت جيبات وعمارات
برويه من دمي قنوات
فات العمر يا بني فات
🎻 ♪ 🎻 ♪ 🎶 ♪ 🎻 ♪ 🎻 ♪ 🎻
الحر مابقبل سكات صارت بلدنا كنتونات
غزه حرقوها بطيرات الريس اتسمم ومات
الشعب من جوعه مات القيادة في الكزنوهات
الكل بيلعب لعبات مفهومه ما بدها دراسات
برويه من دمي قنوات
فات العمر يا بني فات
🎻 ♪ 🎻 ♪ 🎶 ♪ 🎻 ♪ 🎻 ♪ 🎻
اشغلونا بكرونات والكل بعبي يوروهات
بعد طريق اللفات ارجال اعمال وبشنتات
تع اتفرج عالجيبات والرصيد بالمليارات
صارت ابراج وعمارات كانك في الامارات
برويه من دمي قنوات
فات العمر يا بني فات
🎻 ♪ 🎻 ♪ 🎶 ♪ 🎻 ♪ 🎻 ♪ 🎻
الله يرحم جدي المات قال احفظها م الشتات
التصريح والكوبونات بهلوس فيهن ليلات
ارضك عرضك بالذرات جباله سهوله الممرات
برويه من دمي قنوات فات العمر يا بني فات
برويه من دمي قنوات
فات العمر يا بني فات
🎻 🎻 🎻 🎻 🎻
كلمات شاعر الاحساس
يوسف نواجعه
فلسطين
