جريدة الوطن العربي سياسية – اجتماعية – اقتصادية – فنية- رياضية- مستقلة
انا عقلي خلاص كده بفوت
وبقيت اهذي و بكلم نفسي
بيقولوا اتجن كده بشوت
ولا عرفوا حكايتي وابه هوسي
،،،،،،،،
لا عرفوا ايه السبب
عجبي في اللي تلف مخي
خلوا اللي فاضل ضرب
يخرابي عقلي اتهوس بدري
،،،،،،
ما لحقت أفرحلي يومين
ولا قول ليهم يوم همي
من صغر سني تعبان وحزين
ولا حد يوم مره سألوا عني
،،،،،،،،
شوف باصينلي ليه الناس
على حكايتي و مانيش عارف
خدي وقلبي ياما أنداس
مانا وارث والحظ معايا واقف
،،،،،،،،،،،
ولا حتى فمره ما كنتش بيه
إنسان بسيط في حياتي عادي
وما حيلتي في الدنيا أي جنيه
غير لقمتي في يومي وذادي
،،،،،،،،،،،
عقلي خلاص فوت
م اللي جرا ليا
لا عمرها احلوت
ولا صفت النية
،،،،،،،،،
مبقاش فاضل مني غير ربع
وعقلي داعس علي الشعرة
من كتر شيل هم الوجع
النفس من شره صابرة
،،،،،،،،،،
ياما نفسي للهموم شالت
ووجعها مش هين ولا بتبين
لا عمرها قالت ولا مالت
ولا حتى الحظ معايا مبين
،،،،،،
لحد عقلي مني ماخف
من كتر حسد وحسادي
والعين بقت. مني بترف
على ربنا متوكل وبنادي
،،،،،،،،
واقول ارحمني يارب
صبرني ع الدنيا ف مصابي
كلمات والحان شاعر
الاحساس والحب
يوسف نواجعه
