جريدة الوطن العربي سياسية – اجتماعية – اقتصادية – فنية- رياضية- مستقلة
دنيا زي الكوتشينة
بتلعب بلعيبه متينه
اهو كل اولادها كبار
عايش وف دنيا حزينه
واحد بيلعب كوتشينه
وعيزني العبها معااااه
انا بشيل بناتها منها
البنات كلها بهواه
اللعب ف اساسه ملعون
وبالشعر بصير مجنون
مش هأقدر أبدا عليها
بشحت المغنى من زبون
مش شايف انا حاجه خالص
وبعيوني انا للنور باصص
أنا عيل موجوع بلعبه
أنا راجل ومفلس خالص
قلت انا هابنيلك بيت
في الدنيا زي ما لفيت
فغير بيتنا ما شفت راحه
فجأه غشاش و بقيت
بدور ع الضحكه فوشك
ايامك بتبوز وتغشك
عارفه يا حبيبتى انتي
عمري ما افرحت لضيقتك
شباكك مفتوح عالشارع
والشارع يعرفني اناسامع
الموضوع صاير بره البره
لكنها ف الروح بتنازع
انا ميت محروق من جرحى
استنيت ع الناصيه فصبحي
ألفين عام انا مستني
جايه تهنيني بفرحي
ولا عدا فيوم على قلبى
على سكة أحلام بتخبي
أنا ميت من مدة بعيده
فكرك طلعوا مش ذنبي
العالم في ايام فقرانه
باهرب من ذنب ديانه
أكتر عذاباتى من لعبي
زى الكوتشينه خربانه
بحاول افنط افكاري
الغش مالوهش داعي
أاقول اليوم مش لاعب
وأفض البرتيته بذراعي
اضحك انا ضحكه عبيطه
على أم الأيام والزيطه
بستنى في الحض ما جاشي
انا ماشي وف جنب الحيطه
كلمات والحان شاعر
الاحساس والحب
يوسف نواجعه
