جريدة الوطن العربي سياسية – اجتماعية – اقتصادية – فنية- رياضية- مستقلة
أنا فلاح
وطول عمري
وأنا نفسي
أعيش وأموت
وأنا فلاح
فطاري
العزه والعفه
وغدايا كفاح
وفرشتي
رضا ربي
وغطايا
سماح
وأنا فلاح
وبفخر
إن أنا فلاح
بعافر
في الحياه
وبفحر
مسا وصباح
*******
*******
أنا فلاح
وطول عمري
وأنا راضي
بعطية ربنا ليه
بشوف قليلي
في عيني كتير
وعمري مابصيت
للي مش ليه
و عندي حب الخير
للبشر غيه
أرضي حبيبتي
علمتني
وزرعت وغرست
كل دا فيه
*******
*******
أنا فلاح
وقلمي
في الحياه
فاسي
وأرضي هي
مدرستي
و كراسي
بزرع وبقلع فيها
بمشاعري وإحساسي
وبكتب قصايد حب
فيها لأهلي وناسي
أول قصيده
بحبك يابلدي
وفكرك ومش ناسي
وتاني قصيده بحبك
وجميلك علي راسي
وتالت قصيده بحبك
مع إن قلبك آسي
ورابع وعاشر بحبك
مهما فيكي أآسي…..
*******
*******
أنا فلاح
وأرضي عرضي
عمري ما فرط فيها
وهي عندي
أغلي
من الدنيا
وما فيها
أغلي عندي
من روحي
ومن ولدي
وبعمري
أفديها
ويديها ربي
من السما
يديها
ويجعل
كل خير الأرض
لنسها وأهاليها
يارب تحفظها
يارب تحميها
أرضي حبيبتي
اللي عشت
وهمووووووووت
وهندفن فيهاااااااااااا
