جريدة الوطن العربي سياسية – اجتماعية – اقتصادية – فنية- رياضية- مستقلة
بقلم الربان وسام مسعد هركي
بعد النجاح الداخلي و الخارجي لمؤتمر المناخ
و كل الضيوف رجعو بلادهم اسمع بقي يا ابن بلدي…..
اي بيت جوه مصر غير كامل و هتلاقي فيه مشاكل و الصح و الغلط
و اي دولة في العالم فيها مشاكل و الصح و الغلط
و مفيش دولة في العالم كاملة مكملة بلا عيوب او مشاكل
و اتعلمنا و احنا صغيرين
ان لما يكون جايلك ضيف او عندك ضيف
ما تحاولش تشوية او تظهر مشاكلك او نقاط ضعفك او
تحاول تخرب البيت اللي انت اتولدت فيه او عايش فيه،
عشان عيب و ما يصحش.
و بالبلدي زي ما بيقولو ما تحاولش تنشر الغسيل الوسخ قدام الغرب
عشان عيب و ما يصحش.
فلما يتحالف بتوع حقوق الارهاب و الرأي و التعبير مع الاخوان علي الاتي:
١- تشوية سمعه مصر.
٢- الاستقواء بالدول الغربية.
٣- محاولة افشال مؤتمر عالمي.
٤- طرد نائب مصري من مؤتمر صحفي.
و السؤال هنا لبتوع حقوق الانسان و الموالين للاخوان
هل ده دلاله علي و لائكم و وطنيتكم الخالصه
وحبكم و خوفكم علي الوطن.
و لا ده يندرج تحت مسمي كره و خيانه الوطن……
