جريدة الوطن العربي سياسية – اجتماعية – اقتصادية – فنية- رياضية- مستقلة
نحن اليوم أمام كاريزما ذات فكر ورسالة بناءة تعتمد على الثقافة والمحتوى والمضمون شخصية مش مجرد كاتبة أو أديبة عادية دي مجرد ظهورها بيخطف القلوب والعقول من قدرتها على الإقناع والتأثير المنطقي على الجمهور ،دائما بتستهدف مناقشة كافة القضايا الاجتماعية بجرأة ومش مجرد سرد بل بتضع الحلول اللي خلاها تسيطر على القلوب والعقول إنها الكاتبة والأديبة الكبيرة المبدعة ولاء ابوزيد
بدايتى فى مجال الكتابه من وانا فى الدراسه فى ابتدائي كنت بحب اكتب قصص وفى اعدادى استمريت فى الكتابه وكنت معظم الوقت فى مكتبة المدرسه فى ثانوى استمريت فى كتابة القصص ودخول مسابقات واتكرمت فى كذا مسابقه وبمرور السنين وانتشار السوشال ميديا بدأت انشر كتاباتى فى بعض المواقع الى ان بداء اسمى واسلوبى يلفت انتباه بعض اصحاب المواقع الاخباريه وطلبوا انى اشير شغلى عندهم
فى نفس الوقت كنت بتلقى دورات فى الارشاد الاسرى واشتغلت فى المجال دا وكنت مستمتعه جدا بفكرة انى احل مشكله لحد او اساعد حد على استمرار حياته
بدات اسعى للظهور بالاذاعه والتليفزيون وفعلا ربنا وفقنى وعملت حلقات فى اكتر من اذاعه منها صوت العرب والشباب والرياضة ومنهم للتليفزيون قناة النيل للعائله والقناه الثانية والثالثة ومنها فى برامج بدات تتواصل معايا انى اكون ضيفه زى قناة موده والبيت بيتك والصحه والجمال وبيروت وبنوراما دراما
اتكلمت عن مشاكل كتير خاصه بالشباب والبيت المصرى وقضايا الطلاق وكنت صاحبة فكرة العريس اللؤطه اللى اتكلمت عنها فى كذا قناه
اتكلمت عن فترة المراهقه عند البنات ومشاكلها وطرق حلها
اتكلمت عن الشذوذ الجنسي وعلاقته بالمرض النفسى
اتكلمت عن الحب وكيفية اختيارنا لشريك حياتنا
من خلال ظهورى بالتليفزيون ولانى بتبع اسلوب سهل وبتعمد اختيار كلمات بسيطه يفهمها اى مستوى تعليمى كان سهل تميزى بين اى حد فى نفس مجالى ومن هنا الحمدلله قدرت اعمل اسم ولاء ابوذيد
ان شاء الله الفتره القادمه بجهز لبرنامج بناقش فيه اصعب المشاكل الموجودة في بيوتنا وبتكون تحت الكتمان عشان الاهل خايفين الناس تعرف وان شاء الله اقدر اقدم بيه فكره وحل للمشاكل دى
انا كاجيل اتربيت على مذيعات ماسبيرو زى حياة عبدون ماجده عاصم فريال صالح عزه الاتربى وسهير الاتربى فريده الزمر وكتير غيرهم اتعلمت منهم الاداء والالقاء وكيفية ادارة الحوار
اتعلمت منهم اكون مسؤله عن الفكره اللى بقدمها وامينه فى النصيحه وطريقة حل المشاكل زى فايزه واصف مع الاحتفاظ بالالقاب للجميع لانى بحترمهم جدا وبحبهم جدا ويمكن دا اللى بسعى ليه فى مستقبلى المهنى انى اكون صاحبة فكر وهدف واقدر اوصل رسالتى للعالم العربى كله ودا من خلال البرنامج اللى جارى تجهيزه ان شاء الله وهو
(من كل بيت حكايه)
وان شاء الله نتقابل فى لقاء تانى واعرف رائى الساده المشاهدين فى البرنامج مع
ولاء ابوذيد
