جريدة الوطن العربي سياسية – اجتماعية – اقتصادية – فنية- رياضية- مستقلة
صديقي الغالي
صديقي الغالي ويا عز الحبايب
ما حد من الرجال يقدروا يوصلونه
ابن الكرم والشهامه وللعز شارب
خليل الاقرع نيشان عالراس يرفعونه
ماكل من تبسم تقول عنه صاحب
خليل كفو الرجال الناس يكافونه
لاتحط بينك وبين الود حاجب
كتاب المحبه كثير الناس يقرونه
ابو جهاد الحر صافي القدح شارب
لو كل حوم الرخوم مايهمونه
ياصاحبي ماهي بكبر الشوارب
عزيز النفس دوم الناس يقدرونه
ابتعد عن الي بالهرج كاذب
ترى الكذب يا صاحبي ماعرفو يداونه
ابحر بحر الصدق ولو دون قارب
الصدوق كل الناس يصاحبونه
اوصيك لا تطلق الحبل عالغارب
ماكل من تحدث الناس يجارونه
لاجل عيون الخوي بالود احارب
الزين ياصاحبي الناس يشرونه
السبع خليل دوم حامي المضارب
ليتهم من همس القفى يرحمونه
جربت انا يالخوي ما تنفع التجارب
راعي المال اشوف الناس يحبونه
اشوف الردي على المال كارب
وشيخ العرب اشوفهم يدعونه
ماهمهم يالخوي لو به مية ذارب
هذا صقر العرب دوم ينادونه
والشهم ماهمهم منه الجيب ضارب
من قلة المال والله يكرهونه
ولو راعي الجرح ومن الاقارب
اكبرمصيبه لين هله يجرحونه
كلمات الاسير المحرر
يوسف نواجعه
