جريدة الوطن العربي سياسية – اجتماعية – اقتصادية – فنية- رياضية- مستقلة
الصحفي . بنرحب بيك استاذ زياد طارق وتقولك جاهز للحوار
زياد. اولا بشكركم لاستضافنكم واكيد جاهز أن شاء الله
الصحفي . في البداية جت ازاي فكرة التمثيل أو عرفت ازاي انك ممثل
زياد .. البداية جت من متابعتي للافلام الأجنبية وحرصي علي متابعتها ومتابعة كل جديد فيها
انا بحب التمثيل من صغري و حابب اشكر عيلتي عشان هما اللي ساعدوني انمي موهبتي فيه و بدأت اكتشف نفسي في التأليف لما كبرت شويه كمان و بقيت في اولي ثانوي ، حبي و شغفي للفن من زمان كانو هما الدافع الاول ليا اني ابدأ و اشتغل فيه و ادرسو بتمعن بعد ثانويه عامه و خصوصا ان حبك للشئ يخليك تعمل كل حاجه عشان توصل للهدفك و حلمك و طبعا ابويا و امي و عيلتي اللي كانو دايما في ضهري و بيدعموني و خلوني دايما عندي طاقه و قوه و صبر اني اكمل في شغلي و الحاجه اللي بحبها و مجنون بيها و بدايتي الفعليه كانت من سنه في مسرحيه علي عينك يا تاجر مع استاذي المخرج بلال الملاح اللي كان اول من اقتنع بيا كممثل مبتدئ و اول من علمني التمثيل في ورشته الخاصه و بعد نجاح المسرحيه عملنا منها عرض تاني في ساقيه الصاوي و ساعتها اتوظفت في دور اكبر نسبه لاول عرض و الحمدلله لقي قبول كبير عند الجمهور و بعدها بدأت اثقل الموهبه بالدراسه ف روحت بعدها خدت ورش داخل و خارج مصر مع acting coach محترفين و مخرجين كبار منهم المصريين و الاجانب و اشتغلت في كذا اعلان تليفزيوني و علي السوشيال ميديا و مسلسل واحد هيتعرض في شهر 8 و في الفتره دي كنت بدأت ادرس الكتابه مع استاذي الدكتور مدحت العدل و كتبت مسرحيه للجامعتي ف انا طالب في جامعه MSA كليه الاعلام سنه 2 ، و بعدها كتبت قصه فيلم كنت مؤمن بيها جدا و عرضتها علي الاستاذ المخرج بلال الملاح و اعجب بيها جدا و قرر ان شركتو هيلوبوليس فيلم اسكول هتنتجو و الفيلم ده هو ” نفسي ” و بعدها بدأنا التحضير و كان معمول كاستينج لاختيار الادوار الرئيسيه في الفيلم ف روحت الشركه و عملت الكاستينج و الحمدلله تم اختياري للدور ” احمد ” و هو بطل القصه و بعدها بدأنا تصوير و الحمدلله ردود الافعال كانت جميله جدا علي الفيلم و مستمر في النجاح حتي الان بعد العرض الخاص و للدخوله بعض المهرجانات المحليه و الدوليه و شغال دلوقتي في مسرحيه ” تنفيذ اوامر ” اخراج / بلال الملاح تأليفي و بطولتي و رشحني للدور البطوله ا / بلال الملاح ايضا و المسرحيه دي تعتبر العمل التالت ليا تحت قيادتو ، و اطلبت في عملين دراما منهم ما سيعرض في رمضان القادم ع القنوات و المنصات و عمل في العيد الكبير و فيلم قصير سيعرض في دول الخليج و المهرجانات ، اما في الكتابه ف حاليا شغال في كذا بروچكت مهمين جدا و اتمني يكونو اضافه قويه في مسيرتي ، انا لسه محققتش 1% من حلمي و برغم ان كتير من اسماء كبيره و عظيمه في هذا المجال اشادو بموهبتي و لكن دائما اطمح لافضل و للنجاح و مقتنع ان لدي الاحسن و من اكتر الحاجات اللي بشحن بيها طاقتي هي القراءه و التأمل و الرياضه و بحب دايما اتعلم و اسمع كتير .
علاقه التمثيل بالكتابه بالنسبالي ، اني ساعات بستخدم خيال المؤلف و بستفاد منو اني اطلع الكاركتر اللي بلعبو بأحسن صوره ممكنه ، اما من ناحيه اخري ف موهبتي في التمثيل بتساعدني في الكتابه اني اصنع كاركتر بروفايل للكل شخصيه بكتبها بتفاصيل القصه و السيناريو و الحوار .
مثلي الاعلي في التمثيل في مصر : الزعيم عادل امام ، زكي رستم ، كريم عبدالعزيز ، احمد عز ، محمد رمضان
مثلي الاعلي في التمثيل خارج مصر : توم كروز ، شاروخان ، ويل سميث
مثلي الاعلي في الكتابه : ا / وحيد حامد رحمه الله عليه ، دكتور / مدحت العدل ، ا / احمد مراد
