جريدة الوطن العربي سياسية – اجتماعية – اقتصادية – فنية- رياضية- مستقلة
ضحكة المر امل برواح مغليه
وبكا الفرح موعود فعيون مبنيه
كذب الامل صاير علينا عههود
والي ميصدك الجذب مو مواليه
سفره والليل كل نجومه مطفيه
ولا نسمة محنه اتمر على الريه
طويت سنين عمري بحلم مرعوب
واتوهد على الشوغات وما ليه
ضحكت مر الصبر والضيم والحيره
ولا مره عليه ضحكت لذه آلحنيـه
راح اموت وحزني ليهسه بـ مچانه
يايمه ثوبيلي ضحج ما ضاحج انه.
يايمه ضحجة الكلب صارت ليليه
يا يمه اتنفس المرة واامر يحرك الريه
حروك بالكلب جرح الحشى مضبوب
اتكلب على وسادتي يا يمه ليليه
يا يمه عتم الصبر غشانا من الغربيه
وجيران تتفرج ع لحم مفضوح بيه
عيون حنها عميه ما تسمع ومتسوف
صوت الثكالا بالكاع تولول ولوليه
سفرة وله والليل وعيونو تشد بيه
وسفرة امل ونهار وعيونو مستحيه
صار الحلم بالناس مش مهيوووب
يحجي حجاية حلم لاطفال متدميه
يا يمه الحلم صاير سراب هبريه
يدفي بكاع الواد ونسمات طاريه
يا يمه الامل موجود من الله موعود
يحن حنين الخلوج لبكار حوريه
ضحكة المر امل برواح مغليه
وبكا الفرح موعود فعيون مبنيه
كذب الامل صاير علينا عههود
والي ميصدك الجذب مو مواليه
@ السيف حبيب العراقي
